Dêrsim de şoforêk yew video ant û video de îdîa beno ke leoparêk ameya vînayîş.
Dersim de na rey leoparêk amey vînayîş. Dêrsim de şoforêk yew video ant û video de îdîa beno ke leoparêk ameya vînayîş.
Pirporê ke video nîyada vanê, se ra 90 îxtîmal esto ke, a leoparêka ciwan a.
Şofor Ahmet Kişiogluyo ke video ant zî vano: Wexto ke ez bi texsîya xo rayîr ra şîyêne mi dî ke yew çîyo ke maneno pîsînge asîyeno. Mi ewilî va qey va çîyo ke mi dîyo weşeq o. La weşaq nêbi. Weşaq ra pîl bî çîyo ke mi dî. Boça aye derge bî. Manena leopare.
Heto bîn ra serra 2013î de zî Qezaya Dîyarbekirî Çinar de zî leoparêk hetê yew şîwaneyî ra ameybî vînayîş la şîwaneyî bi tifingê xo leopare kiştbî.
Koyanê Dêrsimî de tewir tewir heywanî cuyenê û seba ke nê heywanî hetê Dêrsimijan ra sey bimbarek yene vînayîş, nê heywanî nênê kiştiş û hurmet nîşanê înan dîyeno