Dêrsim de 2 rojî verî welatijo bi namê Engîn Eroglu (28) saetanê serê sibayî de heywanê xo berdî çerênayîş la ê wextî ra nat ci ra xebere nêna girewtene.
Dewa Yaylagunu ya qezaya Pulurî ya Dêrsimî de vizêr hemwelatijo bi nameyê Engîn Eroglu (28) yo ke saetanê serê sibayî de heywanê xo berdî çerênayîş ci ra xebere nêna girewtene.
Engîn Eroglu yo ke heywanî berdî çerênayîş şan nêagêra keye. Heywanê ey bi xo ameyî. Keyeyê Erogluyî û dewijan dest bi cigêrayîşî kerd. Dewijan cigêrayîşê erazî de telefon û şewqa ey dîyî. Nêzdîyê pirdê Şorşwenkî de rêçê gonî û kaşkerdişî ameyî vînayene. Dewijan xebere daye ekîbanê AFADî. Cigêrayîşî dewam kenê.