Merkezê Xeberan- Dewa Tanerî ya Xozatê Dêrsimî de cinîyî rîçal û marmelatan ê berardişanê tabîyan virazenê. Cinîyî hem ber anê hem zî roşenê.
Cinîyê dewa Tamerî ya Xozatî fêkîyanê tabîyanê ke danê arê, ra îmalatanê xo de rîçal û marmelat virazenê û nînan bazaran de roşene. Nê marmelatî û rîçalî eleqeyêko pîl vînenê û cinîyê bi nê hewayî debarê xo zî kenê.
Cinîyan derheqê xebeta xo ya kolektîfe de vat ke, na xebate par hetê 4 cinîyan ra ameye destpêkerdene û emser seba ke hîna zêde berardiş bêro kerdene îmalatxaneyêk ame sazkerdene. Cinîyan bale ante ke pêroyê berardişê înan hetê keda cinîyan ra yenê amade kerdene û cinîyî cara tim wareyê berardişî de bîyî la hetê sîstemê pederşahîye keda cinîyan nêameye dîyene. Cinîyan îfade kerd ke verê cû zî cinîyan ber ardêne la camêrdan rotêne, labelê nika bi saya xebeta kolektîfe cinîyî keda xo, bi xo pêşkêşê bazaran kenê.
Cinîyan da zanayene ke înan dest pêkerd ke agêrenê dewanê xo, cuya dewe ke wextanê verênan de tede tim berdişanê tabîîyan amayêne kerdene ke naye ra nêweşîye zî çinebî. Pêroyê cinîyê dewa Tanerî domananê xo reyde pîya xebitîyenê, pîya ber anê û pîya roşenê.