Qezaya Qisle ya Dêrsimî de fotografkêş Mahmut Boztaşî fotografê flamîngoyêkî girewt. Goreyê texmînan flamîngo rayîrê koçî de refê xo ra cîya bîyo.
Dêrsim de flamîngo ame dîyene.
Dewa Doluca ya qezaya Qisle ya Dêrsimî de fotografkêş Mahmut Boztaş (37) fotografê flamîngoyêkî girewt.
Boztaşî vat: ''Flamîngoyî heta peynîya teşrîna peyêne Gola Wanî de manenê û zimistanan zî şinê cayêkê germinêrî. Mi verî qet flamîngo nêdibi. Ez vana qey no flamîngo zî rayîrê koçî de refê xo ra cîya bîyo.''