Bajarê Dêrsimî de opersyonê eskerî de pêrodayîş vejîya. Xeylê wexto ke Dêrsîm de seba PKKîyan operasyona eskerî dîyaya dest pêkerdene û nê rojan de mabênê eskeran û PKKîyan de pêrodayîş xidar bîyo.
Teyyarayê şerrî û helîkopterî zî hewa ra desteg danê operasyonê eskerî. Pêrodayîşê vizêrî de fermandarêk û yew PKKî merd. Aşkera bi ke namê fermandarê tirkan Ferdîcan Altunkaş o.
Dêrsîm de mîyanê hîrê rojan de 6 eskerê Tirkîya 2 zî PKKî merdê. Dêrsîm de operasyonê eskerî û şerr dewam keno.
Heto bîn ra Qezaya Sêrtî Dîh de zî operasyonê eskerî esto. Goreyo ke aşkera bi semedê operasyonê eskerî 77 dewe û mezrayanê qezaya Dîhî de qedexeyê tebervejîyayîşî ameyo îlankerdene.