Dêrsim de mabênê gerîlayanê PKK û eskeranê Tirkîya de pêrodayîş vejîya. Walîtîya Dêrsimî îdîa kerd ke, pêrodayîş de 3 gerîlayê PKK merde la PKK hema derheqê nê pêrodayîşî de beyanatêk nêdaya.
Qasê hewteyo ke artêşa Tirkiya çend qezayanê Dêrsimî de semedê gerîlayanê PKK operasyone daya dest pêkerdiş û operasyone hîna zî dewam kena.
Walîtiya Dêrsimî bi yew beyanat aşkere kerd, ewro Dêrsim de mabênê cendermeyan û PKKyijan de şer vejîyayo.
Gorê beyanatê walîtî, netîceyê şerî de 3 gerîlayê PKK merdê.