Qezaya Mazgêrdî ya Dêrsimî de 12 pezkovîyî merde ameyî dîyene.
Dewa Yukari Oymaca ya qezaya Mazgêrdî ya Dêrsimî de 12 pezkovîyê merdeyî ameyî dîyene. Nêzanîyeno ke kamî pezkovîyî qetil kerdê.
Avûkat Bariş Yildirimî medyaya komelkî ser ra da zanayene ke pezkovîyî merde dîyayî û ê do gerreyê mesele bikerê. Yildirimî vat: ''Qirkerdişê pezkovîyan Dêrsim de dewam keno. Verê cû zî dewa Çanakçi de pezkovîyî bi hawayêko komkî ameybî qetilkerdene û ma o wext zî gerre kerdbi.''