Hunermendo dêrsimij Ferhat Tunç parekerdişê medyaya komelkîye yê serra 2016î ra bi îdîaya 'serekkomarî rê heqaret' ceza girewt. Dewaya Tunçî Mehkemeya Cezaya Girane ya 14. ya Buyukçekmece de amey dîyene. Tunço ke surgunê Almanya bîyo, beşdarê dewa nêbi la avûkata eyi Fatma Hopîkogu dewa de amede bîy.
Roniştişê verênî de dewlete waştbi ke hukmatê Almanya îfadeyê Tunçî bigêro. La Almanya çarçewa azadîya îfadekerdişê fikran de waştişê dewleta Tirkîya red kerd.
Mehkeme qerar da ke seba ke Tunç Almanya ra bêro ardiş Tirkîya derheqê ci de qerarê tepiştişî da.