Qeraxanê Lîbya de nêzdîyê 60 koçberê bînî xeniqîyay. Koçberanê ke tede cinî û domanî zî estbîyî, verê xo dabi Ewropa.
Rêxistina Koçî ya Mîyanneteweyî (IOM) pare kerd ke qeraxanê şaristanê Homsî yê Lîbya de en tay 57 koçberî xeniqîyayî. IOMî twitterî ra eşkerayîyêk da û vat:''Înanê ke xelisîyayî personelanê ma rê vat ke mîyanê merdimanê merdeyan de 20 cinî û 20 domanî estê.''
Eşkerayîye de nêame vatiş ke koçberî kamca ra yê.
Lîbya serra 2011î ra nata rijîyayîşê rejîmê Muammer Kaddafîyî ra nata mîyanê kaosî de ya. Her serre bi hezaran koçerî verê xo danê qeraxanê Îtalya.
Goreyê IOMî destpêkê serre ra nata herême de tewr tay 900 koçberî merdî.