Rewangehê îro angaşt kir, çekdarên Feyleqa El-Rehman piştî ku bi serperiştiya Rûsyayê ji Xûtaya Rojhilat hatibûn derxistin, ligel malbatên xwe ber bi Idlibê ve çûn.
Rewangeha Sûrî aşkere kir, bi dehhezaran çekdarên Feyleqa El-Rehman û malbatên wan ji parêzgeha Idlibê derbasî gundên Efrînê bûn û li malên Efrîniyê ji ber êrîşên artêşa Tirkiyê koçber bûne, bicih bûn.
Tê zanîn bi sedhezaran koçberên Efrînê yên li navçeyên bakurê Helebê ligel bêdengiyeke navdewletî û rêxistinên mirovî û hawarhatinê û piştguhkirinekê ji aliyê ragihandinê ve di rewşeke mirovî ya xirab de dimînin.