Hemserekê HDP yo verîn Selehattîn Demîrtaş Hepisxaneyê Edirne ra bi sîstemê SEGBİSî Kampusê Hepisxaneyê Anqara Sincar de vejîya mehkema ver û va: Ez Kurd a û Welatê mi Kurdistan o.
Hemserekê HDP yo verîn Selehattîn Demîrtaş Hepisxaneyê Edirne ra bi sîstemê SEGBİSî Kampusê Hepisxaneyê Anqara Sincar de vejîya mehkema ver. Demîrtaşî pawitişê xo de wina va:
Semedo ke mi qiseykeridşêkê xo de vato Kurdistan dozger mi rê dewa akerdo. Tîya ra newe ra verê huzurê şima de vana. Ez Kurd a û welatê mi Kurdistan o. Semedo ke ma qala Kurdistan kenê bi îdîaya ‘propagandaya rêxistine kerdo’ ra ma rê dewayî abenê. No, ma rê heqeret o. Ez qebûl nêkena. Mehkema gere na xeteya xo rast biko. Wa mehkema 100 serrî ceza bido mi xemê mi de nîyo. Ma miletêk rê heqeret nêkerdo û nêkenê. Rast o Kurdistan esto. Mi verî zî va. Neke Binalî Yildırimî vato, neke Erdoganî vato, neke Sultan Sencerî nuşto, neke Abdulmecidî madalyonê Kurdistanî çap kerdo, neke Mîr Bedirxan Mîrê Kurdistanî yo. Sey cografya û tarîx Kurdistan esto û Kurdistan rastîyêk o. Gere şima qebûl bikê.