Hemserekê HDP yo verîn Selahattîn Demirtaş seba ke xo bipawo vejîya Mehkemeya Sincanî ya Anqara. Demîrtaşî derga derg behsê kelîmeya Kurdistanî kerd.
Demirtaşî derheqê fezlekeya ke seba kelîmeya Kurdistanî seba ey ameya hadrekerdiş qisê kerd û va ‘Gelo qey vatişê ‘Kurdistan’ beno propagandaya terorî? No senî yew heqeret o, na çi bêtehemulî ya. Qey şima nêzanê şima bi no qayde ma rê heqeret kenê.”
Demirtaşî dewamê qisêkerdişê xo de behsê welatê Kurdan Kurdistan kerd û wina va “Ma seba çi rastîya tarîxî înkar kenê? Kurdistan cografyayêk o. Erdê Kurdan o. Bi kultur, huner, folklor, muzîk, şîn, goristan, mezel, dar û royanê xo, na cografya Kurdistan a.”
‘KURDISTAN RASTÎYÊKA TARÎXÎ YA’
Selahattîn Demirtaşî kesê ke tarîxê Tirkiya de kelîmeya Kurdistanî xebitnayê ard vîr û wina dewa klerd:
“Neke Tayyip Erdogan, Binali Yildirim, Mustafa Kemal Ataturk, Sultan Abdulmecîd vato, neke Siltanê Selçukiyan sey Eyaleta Kurdistanî welatê ma îlan kerdo; Rastîya xo de Kurdistan rastîyêk o û wayîrê tarîxêko derg o.”
‘WA HER ROJ VAJO KURDISTAN’
Demirtaşî seba namzedê AKP yê Îstanbulî Binali Yildirimo ke Amed de kelîmeya Kurdistanî xebitnabi zî va ‘Ez nevana çira vato. Wa her roj vajo. Lazim o na kelîma qanûnan de ca bigîra.”
‘QEY KURDISTAN SÎNORÊ TIRKIYA DE QEDÎYENO?’
Demirtaşî behsê sînoranê Kurdistanî zî kerd û va “Bazid ra heta Çêlê, herêma ke mîyanê sînorê Îranî de menda, gorê qanûnanê Îranî Eyaleta Kurdistanî ya. Çêlê ra heta Cizîre, herêma ke binê sînorê Iraqî