Dezgeyê ceyranî yê DEDAŞî rîyê deynanê demê qeyûmî ra newe ra ceyranê dezgeyê awe MARSU yê Beledîyeya Mêrdînî birna. Rîyê DEDAŞî ra 2 rojîyo ke awe nêdîyena şarê Mêrdînî.
Bajarê Mêrdînî 2 rojîyo bêawe yo. Dezgeyê ceyranî yê DEDAŞî rîyê deynanê demê qeyûmî ra newe ra ceyranê dezgeyê awe MARSU yê Beledîyeya Mêrdînî birna.
Rîyê DEDAŞî ra 2 rojîyo ke awe nêdîyena şarê Mêrdînî.
Seba ke DEDAŞî ceyranê dezgeyê awe MARSU birnabi, avukatê beledîye DEDAŞ dewa kerdbî û Mehkemeya Aslîye Ya Mêrdînî ‘qerarê tedbîrê îdarî’ dabî. Mehkema qerarê xo de vatbi, na mesela 850 hezar kesan eleqedar kena û waştbî wa DEDAŞ ceyranê Marsu verado.
La DEDAŞî aşkera kerd ke seba ke deynê înan nêameyo dayîş, înan ceyranê MARSU newe ra birnayo. Rîyê na kerdena DEDAŞî ver, deynê qeyûmî ra 2 rojîyo ke awe nêdîyena şarê Mêrdînî.
Qeyûmê Beledîyeya Bajarê Girdî yê Mêrdînî 96 mîlyon deynê DEDAŞî dêdabi ci. Bi girewtişê kredîyan 80 mîlyon TL deynê DEDAŞî ame dayîş. La seba ke 16 deyno ke mend nêdîya DEDAŞ, DEDAŞî ceyranê MARSU birna.