Serekwezîro verên Ahmet Davutoglu ame Dîyarbekir û beşdarê programê fitarî bi.
Xeylê sîyasetmedarê ke verê cû mîyanê AKP de sîyaset kerdêne beşdarê programê fitarîyo ke semedê Ahmet Davutogluyî ame organîzekerdene bîyî.
Dayîşê fitarî ra dima Ahmet Davutogluyî yew qisêkerdiş kerd û va; Dîyarbekirijî ma zanê. Dîyarbekir zerrîya ma de yo. La ez vînena ke Dîyarbekir de seba şer û pêrodayîşî hêvî bîya kêmî. Hetêk ra pêrodayîş hetêk ra feqîrî esta. Dîyarbekir nê çîyan heq nêkeno.
Davutogluyî dewamê qisêkerdişê xo de hukmatê AKP rexne kerd û wina dewam kerd; Welat û herême de azadî û asayîş çin yo. Heta ke azadî çin bo ti nêeşkenî tedbîranê asayîşî weş bigîrê. Gere asayîş zî bibo azadî zî. Lazim o her di zî têdir bê. Yew bibo yew nêbo nêbeno. Gere ma azadî qûrbanê asayîşî nêke.
Davutogluyî îzah kerd ke no welat de problemê kurdan zî ê tirkan zî estê û meseleyê her di miletan yew ê.
Davutogluyî sey sîyaset herinda sloganê AKP û MHP Yew Dewlet, Yew Milet, Yew Welat û Yew Bayrage de sloganê wicdano ortax, aqilo ortax, hûqûqo ortax û sibarojo ortax xebitna.