Li navçeya Licê ser bi parêzgeha Amedê ya Bakurê Kurdistanê ji doh ve agir bi daristanekê ketiye û hewlê kontrol kirina agir heta niha berdewam in.
Bi daristaneke bajarokê Licê ser bi parêzgeha Amedê ya Bakurê Kurdistanê doh Sêşembê sere sibehê agir ket û ligel hewldanên Berevaniya Şaristanî şewitîna wê daristanê heta niha berdewam e.
Agir destpêkê li navçeya Kerwasê destpê kir û ber bi nav dilê daristanê ve berfireh bû. Îro agir ber bi navçeya Licokê diçe ku li wê derê hejmarek xaniyên niştecihbûnê hene û xelk di wan de dijîn.
Li gor şarezayên Berevaniya Şaristanî ya Amedê, agir ji ber bayê zêde bilez belav dibe û rêya xwe diguhere ku ev yek ji sideman e tîmên agirvemirandinê nikarin bi asanî agir kontrol bikin.
Heta niha nayê zanîn agir ji ber çi derketiye û tîmên polîs li Licê dest bi lêkolînan kirine.