Merkezê Xeberan- Ame aşkerekerdiş ke, çekdaranê DAIŞî Nehîyeya Kerkukî Reşadî de eşt nuqteya asayîşî ser û hêrişê DAIŞî de 2 polîsê hêzê asayîşî amê kiştene.
DAIŞijê ke hêrişê kerd û 2 polîsî kiştî dima ra uca ra remay.
Dewleta Iraqî menga Kanune ya serra 2017î de aşkere kerdbî ke, mucadeleyo ke vera DAIŞî amo dayîş bîyo serkewte û îlan kerdbî ke hînî DAIŞ qedîyayo.
Wexto ke Pêşmergeyî serra 2017î de Kerkuk ra peyser şîyî hetê asayîşî ra vengî virazîya û ê wextî ra nata DAIŞ Kerkuk de hêriş keno û ê cayan de qewetê xo kerdo zêde