Merkezê Xeberan - Iraq de falîyetê Haşdî Şeîbî roje bi roje zêde benê û terorîstî hema her roj cayêk de hêrişan kenê.
Terorîstanê DAIŞî sînorê bajarê Diyale de hêrişê Heşda Eşayir (Eşîran) kerd û 2 çekdarê Haşdî Şeîbî amê kiştene 4 çekdarî zî birîndar ê.
Heto bîn ra terorîstanê DAIŞî Xaneqîn de zî 2 çekdarê Haşdî Şaîbî û eskerêkê artêşa Iraqî kiştî.
Heto bîn ra Konseya Haşdî Şeibî beyanatêk da û aşkere kerd ke, wîlayetê Selahedînî de 4 çekdarê DAIŞî amê kiştene.
Nê rojan de 14 çekdarê Haşdî Şeibî qezaya Selahedînî Mikîşîfe de amêbî kiştene.