Hêzên Sûriya Demokratîk (HSD) di daxuyaniyekê de ragihandiye, çekdarên DAIŞ ji rewşa xirab ya hewayê mifa dîtine û bi hevkariya endamên xwe yên veşartî, êrişî kampa Hejîn li nêzîkî gundê Behra yê Dêrezorê kirine.
Di daxuyaniyê de hatiye gotin ku şervanên HSDê pêşiya êrişa DAIŞê girtine ji ber wê jî şerekî giran derketiye, di wî şerî de herî kêm 20 çekdarên DAIŞê hatine kuştin û yên din jî reviyane lê hinek akinciyên kampê bi xwe revandine.
Rewangeha Sûrî ya Mafên Mirov jî daye zanîn, çekdarên DAIŞê zêdetir ji 130 malbatên koçber ji kampa Behrayê revandine.