Çekdarên DAIŞê li bajarokê Gulale yê li sînorê Xaneqînê, du êrîş birin ser hêzên ewlehiyê yên Iraqê û di encama êrîşan de serbazekî artêşa Iraqê hat kuştin û sê kes jî birîndar bûn.
Nûçegihanê Kurdistan24ê li Germiyanê ragihand; derengê şevê din, çekdarên DAIŞê bi dizî ketine nav taxa Şehîdan a bajarokê Gulale û li pira Helwan du êrîş birine ser polîs û serbazên Artêşa Iraqê.
Nûçegihanê me herwiha eşkere kir: “Di encama êrîşan de serbazekî artêşa Iraqê hat kuştin û sê serbaz û polîs jî birîndar bûn.”
Li aliyê din, serbazekî Iraqê bi gulleyekî nîşangir, li xaleke kontrolê ya li devera Tarmiye ya bakurê Bexdayê, birîndar bû.