Çekdarên DAIŞê navçeyeke Diyala bi hawanan topbaran kir û di encamê de polîsek hat kuştin û 2 kesên din birîndar bûn. Li Enbarê jî 6 çekdarên DAIŞê hatin desteserkirin.
Jêderekî ewlehiyê li parêzgeha Diyala ragihand, şeva bûrî di encama topbarana xaleke pişknînê ya hêzên Iraqî li navçeya Haşimiyat li rojavayê Diyale polîsek hat kuştin û 2 kesên din jî birîndar bûn.
Hevdem di operasyoneke lêgerîn û pişknînê ya hêzên ewlehiyê li çend navçeyên parêzgeha Enbarê de jî, 6 çekdarên DAIŞê hatin desteserkirin.
Ev di demekê de ye, duhî bi sedema teqînekê li bazareke qezaya Moseyî ya parêzgeha Babilê 39 kes birîndar bûn û li gor jêderan teqîn bi riya motorsîkleke bombekirî bû.