Milîtanên rêxistina terorîst a DAIŞê şevê din li başûrê Kerkûkê bi ser çend herêman de girt, xelkên herêmê xwestine birevin, lê milîsên Heşda Şeibî rê li ber wan girtiye û nehiştiye sivîl derkevin.
Çavkaniyên herêmî ragihandin ku milîtanên terorîst şevê din bi ser gundê Heftexwar, Awayekan, Mensûr, Elî û Dara ku dikevin sînorê navçeya Daqûqê de girtin.
Li gor agahiyan, piştî serdegirtina gundan, hemwelatiyên li herêmê ji tirsan hewldane birevin, lê li rawestgeha ser rêya Daquq-Bexdayê Heşda Şeibî rê li ber sivîlan girtiye û destûra revê nedaye.
Milîtanên DAIŞî du şev berê li navçeya Celewla ya Kerkûkê dîsa êrişî hêzên iraqî kiribû û li gor zanyariyan di encama êrişê de gelek hêzên ewlehî hatin kuştin û birîndar bûn.