Li Kurdistana Bakûr li bajarê Bedlîsê li navçeya Norşênê di 19.01.2020 an de Mele Ebdulkerim Çevik ku yek ji kurên Mala Hezret bû û hem dersdarê Medreseya Norşên bû, ji aliyê kesê bi navê Yakup Şeflekçi de bi desteka hêzên tarî hatibû kuştin. Kujer ji aliyê hêzên ewlehiyê ve hatibû girtin û wî biribûn zîndana Bedlîsê. Dosya bi xwe li dadgeha Bedlîsê mabû lê qatil neqlê Zîndana Kırıkkale kiribûn.
Do, celseya darizandina dawî bû û îfadeyê kujer bi rêya SEGBİS ê hat girtin. Di encamê de dadgeha cezayê giran ya yekem ya bajarê Bedlîsê, bi sedema “kuştina mirov ya bi qesdê”, “sîlih û fişekên qaçax”, “ajotina otomobîlê ya bi serxweşî” û “xistina xelkê ya talûkê di rêya trafîkê de” cezayê muebed yê giran da kujer û di ser de 2 sal û 6 mehê din jî ceza dayê.
Mala Hezret di Serhedê de şêxê Nexşebendî ne û ji şaxê Xalidiyane ku xîlafeta wan digihê Mewlana Xalidê Şehrezorî.