DEDEF û DADî derheqê tornê Seyîd Rizayî Murat Yildizo ke Pulurê Dêrsîmî de herîşê hewayî de ame qetilkerdene de beyanatêk day.
Federasyonê Komeleyanê Dêrismî (DEDEF) û Komeleya Elewîyan ê Demokratkan (DAD) semedê Murat Yildizo ke Pulurê Dêrismî de herîşê hewayî de ame qetilkerdene de beyaantêk day.
DEDEFî beyanat de va: ''Nê operasyonî heqê ma yê cuye destê ma ra genê. Seba ke êyê ke talîmatê operasyonan danê û reyra benê nênê muhekemekerdene her roje wina sîvîlî yenê qetilkerdene. Xeylê bajaran de operasyonanê leşkerîyan de sîvîlî ameyî qetilkerdene la qet cipêrsayîşêk dest pênêkerd. Ma wazenê wa derheqê mesûlan de cipêrdasayîş bêro akerdiş û derheqê prosesê îdarî de zanayîş bidîyo şarê Dêrsimî.''
DADî va: ''38 serrî yo qirkerdişî dewam kenê. Dêrsim de vera gananê ke cigêrayîşê heqîqet û azadîye de yê, bi hewayêkê sîstemkî zulum yeno kerdene. Hêdî-hêdî ma kişenê. Wextê yewca ameyîşî yo. Wext wextê yewbîyayî destê yewbînan tepiştiş û vera zulm û neheqîye qîrayîşî yo. Seba ke qetilkarî bêrê cezakerdene û hînî dayîkî mebermê ganî her kes vengê xo berz bikero.''