Merkezê Xeberan - Fitbolbazo namdar Cristiano Ronaldo newe ra agêreno seheyan. Vajîya ke demê Karantîna yê Cristiano Ronaldoyî qedîyayo û 19ê Gulane de dest bi antrenmanan keno.
Cristiano Ronaldo wexto ke Îtalya de virusê Korona dest pêkerd şibi welatê xo Portekiz û keyeyê xo berdbi Girawa Madeira.
Ronaldo 4ê Gulane de pê jetê xo yo taybet ame Torino û kewtbi binê karantîna.
Demê karantîna yê Cristiano Ronaldoyî 18ê Gulane de qedîyeno û tesîsanê J Medicalî de dest bi antremanan keno.
Hewteyê vernîya ma de semedê Serie A qerar yeno dayene. Yeno pawitiş ke lîgê Îtalya do dest pêbiko û aye ra taximan dest bi antremanan kerd. Fitbolbazê xerîbî ke rîyê virusê Korona ra şibî welatanê xo zî peyser amê Îtalya.