Nê rojanê peyênan de Tirkîya û Bakurê Kurdistanî de nêweşîya Korona zêde bena û hûmara kesê ke benê nêweş zî roje bi roje zêde bena.
Şaristananê sey Amed, Mêrdîn, Riha û Batmanî de newe ra nêweşê Korona û rîyê Korona ra merdişî zêde benî.
Vajîyeno ke, beno ke çend şaristananê Bakûrê Kurdistanî de rîyê zêdebîyayîşê virusê Korona ra newe ra qedexeyê vejyayîşê teberi bêro îlankerdiş.
Gorê xebera muxabîrê Rojnameyê Hurrîyetî Fevzi Kızılkoyunî Îstanbûl, Amed, Konya, Meletî, Riha Mêrdîn û Batman de semedo ke îzolasyonun nêno ca, qedexeyê vejyayîşê teberi do bêro îlankerdiş.
Heto bîn ra Amed de mîyanê 5 rojan de 22 kesî rîyê virusê Korona ra merdî. Vajîyeno ke roja Roşanê Qirbanî ra nat nêweşxaneyan de 10 tenî teberê nêweşxaneyan de zî 10 tenî rîyê Korona ra merdî.
Tena Amed de rojane testê 250-300 kesan pozîtîf vejîyeno.
Heto bîn ta Tirkîya û Bakûrê Kurdistanî de vizîr ra nata hezar û 178 kesê bînî bi Korona kewtê û û 19 kesê bînî zî merde. Hûmara merdeyan zî resaya 5 hezar û 784.