Qezaya Cizîre ya Şirnexî de wesayîtêkê zirxînî yê dewleta tirke da wendekarêkê bi nameyê Abdulgaffar Dayanî ro û o bi giranî birîndar kerd.
Qezaya Cizîre ya Şirnexî de wesayîtêkê zirxînî yê dewleta tirke da wendekarêkê bi nameyê Abdulgaffar Dayanî ro û o bi giranî birîndar kerd.
Goreyê agahîyan Abdulgaffar Dayan (23) serê sibayî wexto ke şîyêne dersxane, kuçeyê Yafesî de wesayîtê zirxînî da ci ro û o bi giranî birîndar kerd. Dayan wedarîya Nêweşxaneyê Dewlete yê Cizîre. Ame parekerdene ke rewşa ciwanî giran a.
Keyeyê Dayanî û embazanê ci dima ke xebere eşnawite verê xo da nêweşxaneyî.
Bi wesayîtanê zirxînan her serre Kurdîstanî de bi desan kesî ameyî qetilkerdene. Kiştoxî zî nêameyî cezakerdene.
Goreyê raporêkê 2021î yê ÎHDyî mabênê serranê 2008-2021î de bi wesayîtanê zirxînan tewr tay 42 kesî ameyî kiştene ke nînan ra 20 tenî doman bîyî.