Merkezê Xeberan - Heyeta Weşîye ya Cizîre aşkere kerd ke, hînî qedexeyo ke hemwelatî bê maske vejîyê teber.
Beyanatê heyete de ame vatene ke, naye ra tepîya qeza de hemwelatî gere gorê mesafeya sosyale hereket bikerê, kom nêbê, park û baxçeyanê sîteyan de nêrê têhet. Kesê ke gorê nê tedbîran hereket nêkê cezaya pereyan do bêra birnayene û derheqê înan de tehqîqat bêro akerdene.
Wezaretîya Karanê Zereyî ya Tirkîya 36 şaristanan de bê maske vejyayîşê teberî kerdbî yesax. Bi îlawebîyayîşê Cizîre na hûmare vejîya 37 şaristanan.
Bakûrê Kurdistanî de Erzerom, Xarpêt, Îdir, Riha, Semsûr, Sêrt, Dêrsim, Dîlok, Mereş, Mêrdîni Cizîre û Meletî de bê maske vejyayîşê teberî yesax o.