Serekê Amerîka Donald Trumpî Sefaretîya çend welatan de bedilnayîş kerd û bi no qayde yew cinîya Kurde bîy Sefîreya Amerîka ya welatê Bulgarîstanî.
Qaso ke vajîya Serekê Amerîka Donald Trumpî waşto wa cinîya Kurde ke şarê Hewlêrî ra ya (Hêro Qadir Mihemed Emîn Mistefa) biba temsîlkara Amerîka ya paytextê Bulgarîstanî Sofia.
Hêro Qadir nika Hetkara Serekê tîma dîplomasîya Sefaretîya Amerîka ya û Sefaretîya welatê Portekîzî de xebate kena. Hêro Qadir hetê karê dîplomatîk û sîyasî ra yewêka zana ya. Vajîyeno ke Hêro Qadir sîyasetê teberi yê Amerîka weş zana.
Hêro Qadir serra 1973 de bajarê Herêma Kurdistanî Hewlêr de ameya dinya û serra 1976 de bi keyeyê xo şîya Amerîka. Hêro Qadir Mihemeda ke bîya temsîlkara Amerîka ya welatê Bulgarîstanî, bawê aye zî yewêko têkoşer û aktîvîstê sîyasî bîyo û seba azadîya Kurdistanî xebate kerdo-