Emîne Bulute 18ê tebaxe de bajarê Kirikkale de verê çimanê domana xo de bi hawayo wehşane ameybî qetilkerdene. Vizêr Platformê Cinîyan yê Dêrsimî vera qetilkerdişê cinîyan de rayîrşîyayîşêk organîze kerd û badê rayîrşîyayîşî beyanatêk da çapemenî. Cinîyî Raşteyê Hunerî de ameyî têhet û heta Meydanê Seyîd Rizayî nûmayîş kerd. Çalakîya rayîrşîyayîşî de pankartê ‘Ma nêwazenî bimirî’ ameyî akerdene. Nameyê platformî ser o Tuba Apaydine eşkerayî da.
Tubaye dîyar kerde ke netîceyê sîstemî de cinî yenî qetilkerdene, şîdetî reyde rî bi rî manenî û wina dewam kerde: “17 serrî yo ke ma vanî ‘Ma nêverdenî ke no welat de cinîyî bêrî qetilkerdene, ma do qanûnanê xo bikerî dewre, ma nêverdenî ke cinî şîdetî reyde rî bi rî bimanî û ma qetî camêrdan heqdar nêvînenî’. No sîstem bî sebebê qetilkerdşê Emîneye. Ma qetî qêrayîşê Emîneye xo vîra nêkenî. Ma do heqê cuye timî bipawî. Ma xo vera prensîpanê keyeyî bivejîyî.”
Cinîyan badê eşkerayî çalakîya roniştişî viraşt.