Dêrsim de cinîyan çarçewa 8ê Adare Roja Cinîyan ê Kedkaran a Dinya de Meydanê Seyîd Rizayî de vera neheqî û qirkerdişan vengê xo berz kerd û aqîbetê Gulîstane Doku pers kerd.
Dêrsim de cinîyan çarçewa 8ê Adare Roja Cinîyan ê Kedkaran a Dinya de Meydanê Seyîd Rizayî de vera neheqî û qirkerdişan vengê xo berz kerd û aqîbetê Gulîstane Doku pers kerd.
Cinîyan çalakîye de sloganê 'Biciwîyo paştdayîşê cinîyan', 'Ma do nêewnê cêrî ra' 'Cinîye, Cuye, Azadîye' vatî.
Çalakîye de Platformê Cinîyan ê Dêrsimî ser o Dîleke Kurban eşkerayîye wende û vat: ''Pêro dinya de cinîyî hê binê ablûqaya neheqîyan de yê. Şaristanê ma de pandemî de xeylêk cinîyî bêkar mendî.''
Eşkerayîye ra dima waka Gulîstane Doku Aygule Doku qisey kerd û semedo ke aqîbetê waya ci hema zî nêzanîyeno nêrazîbîyayîşê xo mojna.
Aygule pê fotografê Gulîstane şîye ver bi pêramotişê walîtîye û vat: ''Çira fotografê waya mi tîya de çin o? Gereka fotografê aye zî tîya de bibo.'' Aygule Doku pêramotiş de fotografê Gulîstane verda.
Dima Aygule Doku, dadî û babîyê ci pîya ver bi serdozgerîye şîyî û uca de eşkerayîyêke daye. Aygıle Doku vat: ''Ma serrêke û nêm ra nata gêrenê Gulîstane. La Zaynal Abarakov 24 saetan zî nêame destbendkerdene. Ez na roje de nê qeranfîlan edaletê dinya û Tirkîya rê dana û vana 'şima nêeşkê Gulîstane bipawê, şima înanê ke Gulîstane kerde vînî pawenê. Ez nê qeranfîlan şima rê verdena. Wa bibo şermê şima.' ''
Wendekara Zanîngehê Munzurî Gulîstane Doku ra 5ê çeleyê 2020î ra nata xeberêke nêameye girewtene.