Merkeze Xeberan
Cinîya Dêrsimije Zûhal Demîra bîye Wezîra Edaletî ya Belçîka.
Zûhal Demîra ke cuwa ver Wezîrîya Dewlete ya berpisîyarîya polîtîkayanê Mucadeleyê vera Neçarîye û Firsendê Seypêyîye kerda, nika zî hukmato newe yê Flaman de bîye Wezîra Derûdor, Tûrîzm, Enerjî û Edaletî.
Cinîya Dêrsimije Zûhal Demîra ke bi rexnekerdişanê xo yê huşkan ê vera Tirkîya yena naskerdene serra 2010î de reya verêne weçînîtişê pêroyî de serkewte û kewt parlamento. Demîra ke herêma Lîmbûrgî yê Belçîka de tewrê weçînitişê pêroyî bîye par 61 hezar 444 ray girewtî.
Zuhal Demîre 12ê Adara 1980î de bajarê Belçîka Genk de ameya dinya.
Zuhal Demîre hetêk ra zî ndama Partiya Netewperwere ya Flaman a.