Merkezê Xeberan - Hûmara kesê ke nê virüsî ra merdê 2 hezar û 100 kesî vîyartî.
Goreyê selahîyetdaran 2 hezar kesê bînî zî bi vîrusê Korona kewtî û hûmara nêweşanê Korona 74 hezar kesî derbaz kerdî. Welatanê teberî Çînî de heta nika 900 nêweşê Korona ameyî tesbîtkerdene û 5 kesî zî merdî.
Beyanatê peyênî yê Rêxistina Weşîye ya Dinya (WHO) de ame eşkerakerdene ke hûmara mergan ê vîrusê Korona mîyanê ciwanan de zaf tay a, la mîyanê merdimanê kalan de zêde ya.
Heto bîn ra hetanî nika nêame tesbîtkerdene ke domanê ke 10 serrî ra qijêr ê vîrusî ra merdî. Rêjê mergî mîyanê cinîyan de se ra 1.7 yo û mîyanê camêrdan de zî rêjê mergî se ra 2.8 yo.