Cîgirê wezîrê karên derve yê Amerîkayê Joey Hood got ku ew bi sedema di Newrozê de dê ne li Herêma Kurdistanê be xemgîne. Hood bo K24 ê weha ragihandiye:
“ Ez 2 sal berê li Kurdistanê bi we re di pîrozbahiyên Newrozê de bûm. Niha ji ber Kovid-19 ê ez nikarim werim. Şansê min ji dest çû ku di rojên xweş de ez ê bi hevalên xwe yên Kurdistanê re nebim. Hêvî dikim di sala bê de ez werim Hewlêr, Silêmaniye, Duhok û deverên din û bi we re Newrozê pîroz bikim. Hêvî dikim di sala bê de her tişt bêhtir baştir be.”
Hood got ku ew dixwazin bi Herêma Kurdistanê re têkiliyên xwe di warê bazirganiyê de bipêşbixin û weha dewam kir:
“Em dikarin bi hevre gelek karan bikin. Lê bêhtir pêdiviya me bi îstîqrarê heye. Hêzên Iraqê û Pêşmerge bo parastina Iraqê û kêmkirina talûka DEAŞ ê karên mezin kirin. Têkiliyên me bi Mustafa Kazimî, Mesrûr Barzanî û Nêçîrvan Barzanî re gelek başin. Em dikarin bêhtir hewlê bidin ku têkiliyên navbera Hewlêrê û Bexdayê baş bibin.”