Artêşa Iraqê heya 1 ê nîsanê wext daye grûbên çekdar yên li Şengalê û wê polîsên feredral li Şengalê bicîh bibin. Li ser mijarê parêzgerê Şengalê Necîm Cibûrî bo Rûdawê ragihandiye ku heya yekê nîsanê wê peyman bicîh bibe û wê 2.500 polîs bo Şengalê bên bicîhkirin.
Necîm Cibûrî ragihandiye ku ew naxwazin rewş bigihê asata şer û pevçûnan û hukumeta Iraqê niha dixebite mijara çekdaran çareser bike û li gor derfetên budçe ya hukumetê yekîneyên polîsan ava bike da herêmê biparêzin.
Rêvebirên YBŞ ê li dijî peymana Şengalê ne û 5 mehe hevdîtinên bi xelkê cîh re û YBŞ ê re dewam dikin lê heya niha negihane ti encamekî.
Li gor rêkeftina Hewlêr û Bexdayê nabe ji bilî polîs ti hêzeka çekdar li Şengalê bimîne.