Derheqê Hemsereka KCDyî Leyla Guven de qerarê tepiştişî û cezaya 22 serran ame girewtene.
Roniştişê dewaya Hemsereka Kongreya Komelê Demokratîkî (KCD) Leyla Guvena ke 18 sûcanê cîyayan ra yena muhakeme kerdene Mehkemeya Cezaya Girane ya 9. ya Amedî de ame kerdene.
Roniştişo ke Guvene tewrê ci nêbîye de avûkatê ci Serdar Çelebî û Cemile Turhali Balsak tewrê ci bîyî.
Dozgerî bi îdîaya ''ronayîş, îdarekerdiş û endamîya rêxisitene'' waşt Guven bêro cezakerdene.
Heyetê mehkeme derheqê Leyla Guven de qerarê cezaya 22 serran û 3 mengan û tepiştişî da.