Çewlîg de ciwananê ke muzîkê kurdkî goştarî kerdêne hetê qoricîyan ra ameyî derbekrdene û ciwanan ra yewî zî hetê qoricîyan ra bi çek ame birîndarkerdene.
Qezaya Bongilanî ya Çewlîgî de ciwanê bi nameyê Masum Kaya, Necmetîn Evranas, Furkan Kiliç û Yusuf Genç yê ke Yuzen Ada (Girawa ke Asnawe kena) de wesayîtê xo de muzîkê kurdkî goştarî kerdêne, raştê hêrişê qoricîyan ameyî.
Goro ke ame zanayîş ciwanî verî raştê tacîzê fekkî ameyî û dima ra hetê di eskeran û 5 qoricîyan ra raştê hêrişî ameyî.
Ciwanan xebere da merdimanê xo û dima ke merdimê înan ameyî pêrodayîş vejîya. Qoricîyan çek şuxulnayî û hêrişê çekî de datê Furkan Kiliçî linga xo ra birîndar bi. Kiliç neqlê Nêweşxaneyê Dewlete yê Bongilanî bi. Ame vatiş ke, çar ciwanê ke ameyî derbkerdene û Kiliço ke ame birîndarkerdene qereqol de îfadeyê înan ame girewtene.