Merkezê Xeberan - Çewlîg de ewro sere sibayî reyna bi girdîya 5.6î de erdlerz qewimîya. Erdlerzo ke 7 kîlometre xorînî de ame meydan Xarpêt û Erzirom de zî ame hîskerdene.
Heto bîn ra gorê malumatanê peyênan Erdlerzê Çewlîgî yê vizêrînî de 33 keye û 38 cayê heywanan rijîyayî.
Bîlançoya Erdlerzê Çewlîgî yê vizêrînî hêdî hêdî bewlî bena. Gorê malumatanê peyênan dewan de bi taybetî dewa Armelî de xesarêko pîl virazîya. Dewa Armelî ya Çêrme de bi temamî 13 bînayî rijîyayî. Temamîya dewanê Çewlîgî de zî 33 bînayî û 38 cayê heywanan rijîyayî.
Dînar Beg de 2 dibistanan û lojmanêk xesarêko pîl girewt. Dewa Lîcîkî de 10 bîna û 7 depoyî bi giranî texrîb bîyî. Qezaya Çatî ya Erziromî de 6 bînayî rijîyayî.