Merkezê Xeberan - Qezaya Bongilanî ya Çewlîgî de vizêr şan varan vara. Rayîrê Girvasî de rîyê varanî ra laser wariş. Rayîrî çamur û kerrayan ra ke laser ardî, qefilîyayî. Laser de tay keye, wesayît û erazîyanê zîretî zî zerar dî. Rayîrî hetê dewijan û kepçeyan ra ameyî akerdene.
Qezaya Kanîreşî ya Çewlîgî de zî torge vara. Varayîşê torge ver zerarêkê pîlî resa erazîyanê zîretî yê hemwelatîyan. Torge tesîrê hemwelatîyanê ke erzdlerzê bi şîdetê 5.7î ra dima xeyman de manenê, kerd. Torge ra xeymeyî texrîb bîyî, erzaq û cilê hemwelatîyan bîyî hîy.