Merkezê Xeberan - Çend rojîyo ke wîlayetê Bakîurê Kurdistanî Çewlîg de bi girdîya 5.7 û bi girdîya 5.4 zelzeleyê pîlî ameybî meydan. Erdlerzî qezaya Kanîreşî de benê û şar tira xeylî zerar dîyo heta nika.
Ewro zî qezaya Çewlîgî Xolxol de girdîya ci 4.3 erdlerz qewimîya.
Nê rojanê peyênan de wîlayetê Bakûrê Kurdistanî Çewlîg de en girdê ci 5.7 pêroyî de 193 heb zelzeleyi ameyî meydan.
Serekîya Îdareyê Rewşa Lezgîne û Afetî (AFAD) aşkere kerd ke, merkeze nê erdlerzî qezaya Xolxolî yo û girdîya ci 4.3 a. Zelzele saete 15.57î de qewimîya û qismêk banê kerrayînî şîyayê ra.
Gorê beyanatê AFADî zelzele 7.o2 kîlometre bine erdî de bîyo. Zelzeleyo peyên bajaranê dorûverî ra zî ame hîskerdene.