Merkezê Xeberan - Erzlerzê Çewlîgî ra dima en kêmî 150 lerzîyayîşê bînî qewimîyayî. Çewlîgijî ters ver ra nêeşkenê şêrê keyeyanê xo, rayîrê dewan zî rîyê hezazî ra qefilîyay.
Vizêr Erzdlerzê Çewlîgî yê bi şîdetê 5.8î ra dima kesêk merdbi û 18 kesî zî birîndarî bibî. Ewro zî bi şîdetê 5.7î erd reyna lerzîya. Heta nika şaristan de tewr tay 150 lerzîyayîşê bînî qewimîyayî. Erdlerz ver ra dewan de xesarê pîlî ameyî meydan; keyeyî rijîyayî û heywanî telef bîyî.
Heto bînîra tesîrê erdlerzî ra rayîrî zî kewtî binê erdî û hezazî ameyî meydan. Qezaya Çêrme ya Çewlîgî de zî kerrayê kendalan erdlerzî ra qerifîyayî û ginayî wesayîtan ser. Tay raywanî zî birîndar bîyî.
Hemwelatîyê Çewlîgî zî tersê erdlerzî ra nêafteranê şêrê zereyê keyeyanê xo. Bi taybetî qezayanê Kanîreş û Çêrme yê Çewlîgî de şar erdlerzanê neweyan ra qerqilîyeno.