Merkezê Xeberan - Taxa Doşluce ya qezaya Azarpêrtî ya Çewlîgî rîyê janê vîrusê Korona ra gerîya binê karantîna.
Gorê beyanatê walîtîya Çewlîgî ra, herêma Çerîbaşi ya taxa Doşluce de janê Korona ame tesbîtkerdene û coka do na herême 14 rojî binê karantîna de bimano.
Gorê zanayîşanê ke herême ra ameye girewtene, peynîya hewteyî de taxe de veyve estbi. Veyveyo ke bi seyan kesî amê ci de, kesê ke teberê bajarî ra ameyî mîyanê înan de tayînan de şikê janê virîsê Korona esto.
Seba ke veyve de temas ameyo kerdene heme taxe gerîyayî binê karantîna. Beno ke badê taxa Doşluce ke 300 kesî tede ronişenê taxê bînî zî bigêrîyê binê karantîna.
Heto bîn ra Çewlîg de 17 kesê ke pê janê vîrusê Korona kewtî hîrê rojî yo ke hûmara înan nêzêdîya û înan ra çar kesî bîyî weş, nêweşxane ra vejîyayî.