Çewlîg de waranê bajarekê Ilicalar û dewa Pargesorî ya qezaya Xolxolî de şewat vejîya. Şewato ke bi rojan o dewam keno seba ke ci rê mudaxaleyêko pêt nîno kerdene, çend şino vila beno.
Hemwelatîyan medyaya komelkîye ser o bi hashtagê 'bingolyaniyor' (Çewlîg vêşeno) nêrazîbîyayîşê xo mojna û waşt ke ekîpî mudaxeleyê şewatî bikerê. Welatijan ra tayînan zî vat Çewlîg yeno vêşnayene.
Dima bi hawayêkê şenikî şewatî rê mudaxele ame kerdene la qîm nêkerd. Şewat hema zî dewam keno. Sey koyanê bînan ê Kurdîstanî Çewlîgî de zî her tim bi destê leşker û dopan, çekanê dewlete şewat vejîyeno û seba ke semedê hewnakerdişî mudaxale nêbeno dar û birî veşênî bene wele.