Aşma hezîrane ra nata Çewlîg de Korona zaf vila bîyo. Hûmara nêweşan û kesê ke cuya xo vînî kenê zêdîyena. Seba ke vernîya Korona bêro girewtene tedbîrê neweyî ameyî girewtiş.
Walîtîya Çewlîgî da zanayîş ke seba ke extîyarî binê rîskî de yê semedê înan tay tedbîrê bînî ameyî girewtiş. Bi no qayde, extîyarê sey 65 serreyan do beşdarê kombîyayîşanê hîrayan nêbê. Têna dadî, babî û pîrîkî do şêrê veyve û merasîman. Reyna do cayanê sixletîyan rê dekewtişê înan bêro astengkerdiş. Wexto sixletî sey saetanê 07:00-10:00 / 16:00-19:00 de yeno tevsîyekerdene ke wa menişê wesayîtanê komresî. Eke goreyê înan nêro têgerayêne do cezaya pereyî bêra dayene.
Reyna semedê veyveyan û organîzasyonanê winayênan zî tedbîrî ameyî girewtene. Kombîyayîşanê sey veyve û mevludî de do werd nêro dayene. Veyveyî do mabanê saetanê 10:00-23:00 bêrê kerdene û 3 saetî bikerê derg û tede mesafeyê 4 metrayan bibo. Reyna cayanê winayênan de do govendê ke tede zaf temas esto nêrê kaykerdene. Goreyê mesafeyî to dîyarî kutîyêk de bêrê pêser. Konvoyê veyveyî de têna 5 wesayîtî ke merdimê veyve û zamayî yê ca bigerê. Seba ke kotnrole mesafe û maskeyan bêro kerdene veyveyê ke taxe û kuçeyan de benê gerek 24 saetî verî ra xeberê bidîyo selahîyetdaran. Kombîyayîşê ke keye û taxan de benê do hetê keyayê taxe ra bêrê kotnrolkerdene. Eke goreyê qaydeyan mero gêrayêne do verî hîşyarî bidîyo dima ra cezaya pereyî û qefilnayîşê falîyetî bêro dayene.
Heto bîn ra goreyê zanayîşanê ke ameyî girewtene 3 doktor û 30 xebatkranê weşîye ke Nêweşxaneyê Dewlete yê Çewlîgî de gureyêne pê vîrusê Korona kewtî.