Merkezê Xeberan - Bi ameyîşê wisarî û germbîyayîşê hewayî heywanî xo verdayî teber. Qezaya Çewlîgî Azarpêt de dewijê ke şîyêne hêgayanê xo ser raştê marêko pîl ameyî. Mar, qasê 3 metre bi.
Mar, herêma Karerî de ame vînayîş û xo lêfnabi gilêkê dare ro. Hemwelatî Mazlum Serinyelî bi telefonê xo fotografe û vîdeoya marî ante. Mar, hem derg bi hem zî qalin bi. Goro ke asîya mar qasê 3 metre bi.
Hemwelatî Mazlum Serinyelî ke raştê marî ame va ke; Ma zaf tersayî, ma cinsê nê marî nêzanê û qet wina yew mar nêdîyo. Ma çend deqa mar seyr kerd û ma badê uca ra şîyî.