Merkezê Xeberan - Wîlayetê Bakûrê Kurdistanî Çewlîk de rîyê virusê Korona ra heta nika 3 tenî merdî.
Mudirîya Weşîye ya Çewlîgî da zanayîş ke bajar de vîrusê Korona binê kontrolî de yo û şarî ra waşt ke tedbîranê xo bidomnê.
Beyanatê mudirî de ame vatiş ke, Çewlîg de xebatkarê weşîye pê janî nêkewtî. Çewlîg de janê Korona binê kontrolî de yo la ganî şar heta ke tehluke nêvîyaro fek tedbîran ra veranêdo.
Goreyê zanayîşê ke herême ra ameyî girewtene, nêweşxane de 3 nêweşê Korona mendî û înan ra 2 kesî serwîsê ciewnîyayîşê giranî de yê. 8 tenî zî bi şikê janî nêweşxane de binê karantîna de yê.