Merkezê Xeberan - Dewa Cafranî ya Çewlîgî de kerrayê gorê gerîlayê PKKî Engîn Kîşînî hetê eskeran û qorîcîyan ra şikîyayî.
Hewteyo verîn eskeran dewijan ra waştbî wa nuşteyê kerraya gorî ya kirdkî ''Çila zerrîya ma, lîlika çimanê ma'' biaçarnê tirkî. Eskeran dima ra kerrayê mezelî şiknayî.
Dadîya Engîn Kîşînî Hamşîye Kîşîn ke şîy mezelî ser o va: ''No zulum o, mezelanê ma ra çi wazenê. 'Êyê ke gorê lajê mi vist no hal, wa dest û lingê ci bişikîyê, çimê ci kor bibê. Na bêwicdanî û bêîmanî ya.''
ÇIME/PİRHA