Merkezê Xeberan - Dewê Geçîtlî û Kizilçubukî yê qezaya Kanîreşî yê Çewlîgî rîyê janê Korona ra gêrîyayî binê karantîna.
Qezaya Kanîreşî ya Çewlîgî de dewa Geçîtlî çend rojî verê cû gerîyabî binê karantîna. Wexto ke mezraya Hacifazilî ya dewa Kizilçubukî de zî testê vîrusê Korona yê kesêkî/e pozîtîf vejîya na dewe zî gêrîya binê karantîna.
Çewlîg de goreyê doneyanê 19ê hezîrane 34 waqayê vîrusê Korona estê. Bi taybetî Bongilan û Kanîreş de wextanê peyênan de hûmara waqayan zaf zêdîyaya.