Merkkezê Xeberan- Çewlîg de rîyê parekerdişê medyaya sosyale ra 10 kesê ke 12ê Teşrîna Verêne de ameybî tepiştene înan ra sîyasetmadar Nîyazî Azak zî tede û 2 kesê bînî amey tepiştene.
Çewlîg de 12ê Teşrîna Verêne de seba ke medyaya sosyale ser ra derheqê herêşê Tirkîya ya ser Rojawanê Kurdistanî parekerdişî kerdî, 10 kesî sereştişê keyeyan de ameybî tepiştene.
Sîyasetmedar Nîyazî Azak, şewirmendê Parlamenterê HDPyî yê Riha Nusrettîn Maçînî, Serhat Atsiz, Mûhîtîn Sav û 7 kesê ke nameyê înan nêameyî zanayene bi îdîayê ‘ propagandaya rêxistine‘ vejîyayî mehkema.
Azak, Atsiz û Sav ameyî tepiştene û erşawîyay hepisxane. 7 kesê bînî bi şertê kontrolê edlî serbest ameyî veradayene.