Hetkarê serekê pêroyî yê AKP Cevdet Yilmaz hetê şêlikê Mehlaya Kulturî ke, çarçewaya projeyê bedilnayîş û Averşîyayîşê Şaristankî de yena xirakerdiş ra ame protestokerdene.
Mehlaya Kulturî ya Çewlîgî de, 15’ê Teşrîna Verêne ya 2018’î de çarçewaya projeyê Vurayîş û Averşîyayîşê Şaristankî de keyeyê hemwelatijan amey raşanayîş û merasîmê eştişê bingeyî ame viraştiş.
Parlementerê AKP yê Çewlîgî û hetkarê serekê pêroyî yê AKP’yî Cevdet Yilmaz û parlementerê AKP yê Çewlîgî Feyzî Berdîbek zî seba ke mesela rê çare bivînê şêlikê mehla dir kombîyayîş viraşt.
Kombîyayîş de pêşnîyar ame kerdene ke qismêk pere bidîyo ê keyeyanê ke keyeyê înan ameyê raşanayene û nêameyê awankerdene. La wayîranê heqî no pêşnîyar qebûl nêkerd û hemverê parlementeranê AKP’ yê ke tewrê kombîyayîşî bîyê hêrsê xo nişan da da û vat, Şima weçînitişan de ma xapînayî“, „Ma keyeyê xo yê verênî de roniştêne, kamî şima ra keyeyo newe waşt?“
Dima ra wezîr Yilmaz û parlementerê AKPBerdîbek cayê kombîyayîşî ca verda û şîy. Şar zî ê prostesto kerdî.