Cenazeyê Serokê Federasyona Navneteweyî ya Diyasporaya Kurdan (FNDK) û Serokê Yekîtiya Kurdên Qazaxistanê Prof. Kinyaz Îbrahîm Mîrzoyêv doh 8ê Tebaxê li Almata ya Qazaxistanê ji ber koronayê wefat kiribû, îro Duşemê bi Ala Kurdistanê û merasîmekê hat rakirin û li goristaneke Kurdan a li nêzîkî bajarê Almata ya Qazaxistanê hat veşartin.
Malbat, kesûkar û hevalên Kinyazê Îbrahîm Mîrzoyêv tevî kesayetiyên Kurd ên Qazaxistanê li ber mala Prof. Kinyaz kom bûn û bi merasimekê cara dawî xatir jê xwestin.
Di merasimê de, Ala Kurdistanê li ser tabûta termê Kinyazê Îbrahîm Mîrzoyêv hatibû danîn û piştî merasîma li ber mala wî, li goristana Kurdan a li gundê Aşibulaxê li nêzî Almatayê hat veşartin.
Hat ragihandin ku wê şîniya Prof. Dr. Kînyazê Îbrahîmê Mîrzoyêv roja înê 13ê Tebaxê bê lidarxistin.
Serokê Federasyona Navneteweyî ya Diyasporaya Kurdan (FNDK) û Serokê Yekîtiya Kurdên Qazaxistanê Prof. Kinyaz Îbrahîm Mîrzoyev doh 8ê Tebaxa 2021 li bajarê Almata yê Qazaxistanê di 74 saliya xwe de koça dawî kiribû.